Пятрову Сталіцу благаславіў удзельнікаў круцыяты (ужо тады іх колькасць складала 900 тысяч дзяцей).
Першыя яе колы былі заснаваны ў Францыі, дзе і сутыкнулася з імі святая Уршуля Ледухоўская – заснавальніца кангрэгацыі Сясцёр Уршулянак Сэрца Езуса Канаючага. Мэтай яе жыцця была Эўхарыстыя. Святая Уршуля імкнулася заахвоціць іншых да культу Найсвяцейшага Цела і Крыві Пана, і таму на тэрыторыі Польшчы заснавала круцыяту. Яна пісала: «Святая Імша, згодна з вучэннем Касцёла, гэта аднаўленне крывавай ахвяры Хрыста. У ёй Пан Езус ахвяруецца як перапрашальная ахвяра за нас, даючы нам прабачэнне і ласкі. Сам Пан Езус на словы святара зыходзіць на алтар, сам моліцца за нас, становіцца пасрэднікам паміж бедным і слабым народам і магутным і святым Богам. Таму мы з вялікай пашанай павінны ўдзельнічаць у Святой Імшы».
Жывучы Эўхарыстыяй, св. Уршуля заахвочвала сваіх духоўных дачок да такога жыцця. Яна гаварыла: «Дзіцяці трэба даць Бога ўжо з першых хвілінаў яго існавання». Таму сёстры, закладаючы круцыяты там, куды іх пасылае Бог, імкнуцца рэалізаваць наступныя мэты:
- паказаць Езуса Эўхарыстычнага як Прыяцеля дзяцей. Пры гэтым імкнуцца заахвоціць іх жыць малітвай і навучыць розным яе формам, асабліва малітве сваімі словамі;
- заахвоціць дзяцей да поўнага ўдзелу ў Святой Імшы і іншых формах культу Эўхарыстыі, наблізіць іх да таямніцы Эўхарыстыі;
- навучыць, як да збаўчай ахвяры Хрыста далучаць свае штодзённыя справы і іншых;
- заахвоціць удзельнікаў круцыяты да сістэматычнай працы над сабою праз пазнаванне праўды пра сябе і Бога як нашага найлепшага Айца.
Езус чакае ад дзяцей гэтай працы і дапамагае ў яе рэалізацыі. У практыцы круцыяты важную ролю адыгрывае штодзённы рахунак сумлення і ахвяраванне дня ў пэўнай інтэнцыі. Усё гэта павінна садзейнічаць развіццю ў дзіцяці ўсведамлення, што яно створана для найвышэйшых каштоўнасцяў і разам з Езусам можа іх дасягнуць. Сёстры імкнуцца таксама паглыбіць еднасць удзельнікаў Эўхарыстычнага руху маладых з Касцёлам і заахвоціць да апостальскай дзейнасці.
Круцыята – армія Хрыста-Валадара. Яе заданне – змагацца за Божае Валадарства, а заклік круцыяты: «Валадар над намі, Хрыстэ, цяпер і назаўсёды!».
Марыя як Маці Хрыста Валадара з’яўляецца Валадаркай круцыяты, бо яна заўсёды вядзе да свайго Сына. У эўхарыстычным выхаванні ёсць шмат набажэнстваў, прысвечаных Маці Божай. Апекуном круцыяты з’яўляецца св. Станіслаў Костка, а яе правадыром на зямлі – Папа Рымскі Ян Павел ІІ.
Удзельнікі круцыяты маюць жывыя сувязі з Касцёлам, цікавяцца яго жыццём і ў сваіх малітвах памятаюць пра ўсе яго справы. Абавязак кожнага ўдзельніка Эўхарыстычнага руху маладых:
- Шчыра маліцца раніцай і вечарам.
- Часта ўдзельнічаць у Святой Імшы і адараваць Пана Езуса ў Найсвяцейшым Сакрамэнце.
- Слухацца бацькоў і настаўнікаў.
- Пільна выконваць свае абавязкі.
- Быць шчырым у думках, словах і ўчынках.
- Быць добрым, не спрачацца, ахвотна дапамагаць іншым.
- Заўсёды гаварыць праўду.
- Жыць справамі Касцёла, Айчыны, парафіі, маліцца за Папу Рымскага.
- Несці ў навакольнае асяроддзе супакой і згоду.
- Не ўжываць алкаголю і наркотыкаў, не курыць.
У нашай парафіі круцыята дзейнічае з 2 сакавіка 2003 года. Дзеці імкнуцца выконваць абавязкі яе ўдзельнікаў, быць прыкладам для іншых і дзяліцца з людзьмі духоўнымі каштоўнасцямі. Яднае іх малітва, якой яны моляцца:
Пане, навучы нас выбіраць Цябе кожны дзень і адказваць табе «так» кожным нашым учынкам, як Марыя.Учыні, каб мы бясстрашна ішлі за Табою і найперш любілі Цябе моцай Эўхарыстыі!
Учыні, каб мы сталі братамі для тых, каго сустракаем на нашым шляху!
Учыні, каб мы былі сведкамі ўсяго, што пачулі, у што верым і чым жывём!
Каб кожны, хто знаходзіцца побач з намі, мог распазнаць у Табе адзінага Бога. Амэн.
На шляху да Пана Бога сустракаюцца розныя перашкоды, якія мы павінны пераадолець. Прыкладаем да гэтага намаганні, і каб іх хапіла, мы павінны падмацавацца пасілкам, якім з’яўляецца Эўхарыстыя. Езус Хрыстус павінен стаць мэтай кожнага дзіцяці, каб у кожнай справе перамагаць зло дабром.
Езус Эўхарыстычны застаецца з намі назаўсёды і знаходзіцца ў табэрнакулюме. Тут можам Яго наведваць, адараваць, размаўляць з Ім як з Прыяцелем.
уршулянка Сэрца Езуса Канаючага.
Парафія св. Пятра і Паўла, Бешанковічы