Home Help
Пра нас Аўтары Архіў Пошук Галерэя Рэдакцыя
4(10)/1999
На кніжнай паліцы

ЭНЦЫКЛІКА FIDES ET RATIO
Да юбілею 2000 Года

«НАПАЧАТКУ БЫЛО СЛОВА...»
Кантакты

Біблія

КНІГА, РОЎНАЯ СУСВЕТУ
Мастацтва

«І НАРАДЗІЛА СЫНА СВАЙГО...»
Нашы святыні

ФАТОГРАФ І ДАСЛЕДЧЫК
Паэзія

ВЕРШЫ
Роздум аб веры

ШЭСЦЬ ПРАЎДАЎ ВЕРЫ
Проза

QUO VADIS
Культура

ГОСЦЯ З ІНШАГА СВЕТУ

Крыстына ЛЯЛЬКО

ІІІ МІЖНАРОДНЫ КАНГРЭС RENOVABIS

Трэці міжнародны кангрэс «Renovabis»* праходзіў у старажытным і маляўнічым Фрайзінгу, на поўдні Баварыі, у сарака кіламетрах ад Мюнхена. Фрайзінг – калыска нямецкага каталіцызму і таму, відаць, нездарма ў гэтым невялікім утульным гарадку размясцілася сядзіба «Renovabis». На яе тэрыторыі, у гасцінным, прыгожым Доме кардынала Допфнэра (Kardinal-Dopfner-Haus) жылі ўдзельнікі і госці кангрэса, у тамтэйшай капліцы штораніцы адпраўлялася Святая Імша, ва ўтульных невялікіх залах працавалі рабочыя групы і адбываліся прэс-канферэнцыі...

Сваімі міжнароднымі кангрэсамі «Renovabis» вяртаецца да традыцый міжнародных форумаў «Kirche in Not» (Касцёл у бядзе»), што праводзіліся раней на працягу 44 гадоў у мястэчку Кенігштайн. Іх арганізатарам ажно да 1995 г. выступаў каледж імя Альбертуса Магнуса (Albertus-Magnus-Kolleg) у Кенігштайне. Пасля гэтага нямецкая Канферэнцыя Біскупаў упаўнаважыла акцыю «Renovabis» працягваць традыцыі Кенігштайнскіх кангрэсаў і ўжо з 1997 г. штогод у верасні міжнародныя форумы «Renovabis» праводзяцца ў Фрайзінгу.

Сёлетні кангрэс быў прысвечаны тэме ўплыву хрысціянаў на тыя змены, што адбываюцца ў сучаснай Еўропе. Праграма яго была складзена супрацоўнікамі «Renovabis» доктарам Герхардам Альбертам і Ёханесам Элльдэманам.

Акрэсліваючы мэты і задачы такіх кангрэсаў, дырэктар «Renovabis» а. Ойген Хіленгас зазначыў, «што іх вопыт дазволіў у дыялогу з прадстаўнікамі палітычных і грамадскіх колаў узняць пытанне пра ролю Касцёла ў трансфармацыйных працэсах, якія адбываюцца ў краінах Цэнтральнай і Усходняй Еўропы. Разам з тым гэтымі кангрэсамі «Renovabis» імкнецца спрыяць міжкасцёльнаму дыялогу паміж Усходам і Захадам. Спадзяемся, што і сёлетні форум зробіць свой уклад у «абмен дарамі» паміж Касёлам у Заходняй і Усходняй Еўропе...»

Цяпер, калі мінуў ужо час пасля ІІІ кангрэса, можна смела сказаць, што спадзяванні шаноўнага айца Хіленгаса спраўдзіліся. Рэфераты, якія прагучалі на гэтым прадстаўнічым форуме, і дыскусіі, якія там вяліся, несумненна, дазволілі глыбей зірнуць на многія праблемы сучаснага стану Касцёла і на ролю хрысціянаў у нашым складаным свеце, які, як на вастрыі ляза, стаіць на парозе трэцяга тысячагоддзя...

У рамках кангрэса для прадстаўнікоў каталіцкай прэсы з Беларусі быў праведзены практычны двухдзённы семінар, прысвечаны канкрэтным праблемам беларускіх каталіцкіх выданняў. Семінар правяла супрацоўніца САМЕСО Андрэа Сафія Яннуш. Дзякуючы ёй мы мелі магчымасць сустрэцца са сваімі калегамі з нямецкіх каталіцкіх выданняў у Мюнхене і, так бы мовіць, знутры ўбачыць іх праблемы і тыя ўмовы, у якіх яны працуюць. Несумненна, гэты практычны дадатак да кангрэса быў вельмі дарэчы, бо даў нам магчымасць зірнуць на сваю працу як бы з іншай перспектывы...

Ніжэй прапануем увазе шаноўных чытачоў некалькі выступленняў на прэсканферэнцыі, што адбылася напачатку кангрэса, і некаторыя даклады, якія прагучалі на міжнародным форуме ў Фрайзінгу.


  1. «Renovabis» – акцыя салідарнасці нямецкіх католікаў з іх братамі з Усходняй і Цэнтральнай Еўропы, утвораная нямецкай Канферэнцыяй Біскупаў у 1993 г. За час свайго існавання «Renovabis» прафінансаваў больш за 4 800 праектаў у самых розных галінах душпастырскай і грамадска-дабрачыннай дзейнасці каталіцкага Касцёла ва Усходняй і Цэнтральнай Еўропе.
Выступленні на прэсканферэнцыі ў Фрайзінгу


 

 

Design and programming
PRO CHRISTO Studio
Polinevsky V.


Rating All.BY