|
|
| Дадатак да артыкула - Галерэя |
Наваградчына... Старажытная, шчодрая на таленты зямля. На таленты, якія апяваюць яе і ўслаўляюць, якія закаханымі сэрцамі спяваюць ёй гімн любові.
Мастак Віктар Сташчанюк – адзін з іх. І хоць даўно ўжо Віктар жыве ў Мінску, родны Наваградак, яго святыні і яго краявіды заўсёды перад вачыма, яны прыцягваюць і хвалююць, жывяць фантазію і натхняюць.
Мастацтвазнаўца Таццяна Гаранская так напісала пра мастака: «Віктар Сташчанюк у першую чаргу мастак-рэканструктар, мастак-навуковец у гістарычным рэчышчы. Але ж ён і тонкі лірык, паэт лініі і колеру. Чароўнай мелодыяй замілавання і ўлюбёнасці прасякнуты яго шматлікія алейныя працы з выявамі камяніц і краявідаў старажытных мясцінаў нашай краіны, зачароўваюць яго акварэлі і пастэльныя творы.
Здаецца мне, што ў гісторыю беларускага мастацтва Сташчанюк трапіць і як аўтар трох серыяў мастацкіх твораў-рэканструкцый: «Старажытны Мінск», «Старажытны Наваградак», «Старажытнае Заслаўе». Навукова вывераныя, яны ў той жа час напоўнены настраёвасцю, рамантызмам, узнёсласцю чалавечых пачуццяў. Менавіта гэтак Віктар Сташчанюк выбудоўвае унікальны па сваёй значнасці масток да людскіх сэрцаў, да разумення і ўспрыняцця».