Home Help
Пра нас Аўтары Архіў Пошук Галерэя Рэдакцыя
3(53)/2010
Галерэя


У ПРОМНЯХ ІНШАГА НЕБА


ТАМ, ДЗЕ НЯМА ЗМРОКУ...

Інтэрв’ю

«Я МАЛЮСЯ КОЖНЫ ДЗЕНЬ...»
Постаці

ВЕРШЫ
Пераклады
Ad Fontes

СЬЛЕДАМ ЗА ХРЫСТОМ
Постаці
Юбілеі


НЕВАДАМ З ЗАЛЬВЯНКІ

Мастацтва

«ГРУНВАЛЬД ЗА СМУГОЮ ЧАСУ»


ПАГОРКІ ГРУНВАЛЬДА
Літаратуразнаўства
Музыка

№3(53) 2010

 
  

Гэты нумар часопіса распачынаецца артыкулам Валерыя Буйвала «Ян Матэйка. Грунвальдская бітва», у якім аўтар распавядае пра адзін з шэдэўраў польскага мастацтва.

300-годдзю кансэкрацыі мінскай архікатэдры Імя Найсвяцейшай Панны Марыі прысвечаны цыкл разнастайных матэрыялаў, які распачынаецца зваротам да чытачоў арцыбіскупа Тадэвуша Кандрусевіча і ўступным словам рэдактара часопіса Крыстыны Лялько. Чытачам прапануецца публікацыя дакумента пачатку 90-х гадоў — «Адкрытага ліста» творчай беларускай інтэлігенцыі да ўрада Рэспублікі Беларусь з просьбаю аб вяртанні архікатэдры вернікам.

Даўняя і сучасная гісторыя святыні асвятляецца ў артыкулах Аркадзя Шпунта «У промнях іншага неба» і Віктара Вілька «Каралева, адроджаная з руінаў». Мастацкае асэнсаванне гэтай гісторыі прапануецца чытачам у вершах Мар’яна Дуксы «Мінская архікатэдра», Ірыны Багдановіч «У катэдры», Дануты Бічэль «Малюнак» і празаічнай імпрэсіі Юліі Шэдзько «Там, дзе няма змроку». Рэдакцыя знаёміць чытачоў таксама з новым альбомам «In nomine Domini», прысвечаным архікатэдры.

Асобную старонку гісторыі гэтай святыні раскрывае даследчык Юры Лаўрык у артыкуле «Славуты прапаведнік» і публікацыі казання ксяндза Міхала Карповіча, прамоўленага ў архікатэдры ў сакавіку 1779 г.

«Я малюся кожны дзень...» — такую назву мае інтэрв’ю галоўнага рэдактара часопіса Крыстыны Лялько з Надзвычайным і Паўнамоцным Паслом Французскай Рэспублікі ў Рэспубліцы Беларусь Мішэлем Рэнеры.

120-й гадавіне нараджэння святара і пісьменніка Язэпа Германовіча (Вінцука Адважнага) прысвечаны артыкул літаратуразнаўцы Ірыны Багдановіч «Зайграю для Божае хвалы...», а таксама публікацыя некаторых твораў юбіляра.

У рубрыцы «Пераклады» друкуецца працяг «Кветачкаў святога Францішка» ў перакладзе Аксаны Данільчык.

У рубрыцы Ad fontes змешчаны працяг славутай працы Тамаша Кэмпійскага «Следам за Хрыстом» у перакладзе на беларускую мову, здейсненым д-рам Станіславам Грынкевічам у 30-х гадах мінулага стагоддзя.

Працягваецца публікацыя перакладу з польскай мовы кнігі «На варце веры», прысвечанай асобе ксяндза Станіслава Жука.

Некалькі матэрыялаў часопіса прысвечана 100-годдзю з дня нараджэння паэткі Ларысы Геніюш: рэпартаж «Свае шляхі ў крылатых...» аб святкаванні гэтага юбілею ў Зэльве і некалькі вершаў Дануты Бічэль, а таксама артыкул Міхася Скоблы «Невадам з Зальвянкі» і падрыхтаваныя ім да друку непублікаваныя раней вершы Ларысы Геніюш.

З нагоды 60-гадовага юбілею паэта і празаіка Леаніда Галубовіча друкуюцца матэрыялы Міхася Скоблы «Шэсць зацемак з Леанідам Галубовічам» і Алеся Чобата «Homo homini, альбо слова пра чалавека».

Пра мастацкія выставы, якія прайшлі ў Гродне і Мінску з нагоды 600-годдзя перамогі пад Грунвальдам, распавядаецца ў артыкулах Мар'яна Базылевіча «Грунвальд за смугою часу» і Дануты Бічэль «Пагоркі Грунвальда».

Асобе і творчасці паэта Аляксандра Рыпінскага прысвечаны артыкул ксяндза Андрэя Зайчыка.

«Лютня — ключ да разумення Рэнесанса» — так называецца інтэрв’ю Тараса Шчырага з польскім лютністам і бандурыстам Антоні Пільхам.(>>)


 

 

Design and programming
PRO CHRISTO Studio
Polinevsky V.


Rating All.BY