Home Help
Пра нас Аўтары Архіў Пошук Галерэя Рэдакцыя
4(78)/2016
Год Міласэрнасці
Святыя асобы

У МІЛАСЭРНАСЦІ НЯМА АЛЬТЭРНАТЫВЫ

СВЯТЫ — НЕ ВЫДАТНІК У БОГА
Вялікія містыкі

УЗЫХОД НА ГАРУ КАРМЭЛЬ
Пераклады

НА ШЛЯХУ ДА ЯДНАННЯ

ВЕРШЫ
Лёсы духавенства
Прэзентацыя
Мастацтва
Літаратуразнаўства

ЧУЙНАЕ СЭРЦА
Асобы
In memoriam
Юбілей
Паэзія

НОВЫЯ ВЕРШЫ

ВЕРШЫ

ВЕРШЫ
Прэзентацыя
Інтэрв’ю

«У МУЗЫЦЫ ПАВІННА БЫЦЬ ПЕСНАПЕННЕ...»
Спадчына

ДЗЕ ЛУКОНІЦА ЎПАДАЕ Ў ШЧАРУ

№4(78) 2016

 
  

Новы нумар квартальніка «Наша вера» пачынаецца артыкулам Віцебскага біскупа А. Буткевіча «Міласэрнасць на дарогах людскіх трагедый», які прапануецца ўвазе чытачоў з нагоды заканчэння Году Міласэрнасці.

Асобе святой маці Тэрэзы, кананізацыя якой адбылася 4 верасня гэтага года, прысвечаны тры матэрыялы: Т. Сатоўскай «Яна была дарам для Касцёла і свету» (пер. Г. Шаўчэнкі); урывак з гаміліі Святога Айца Францішка на св. Імшы падчас кананізацыі маці Тэрэзы «У міласэрнасці няма альтэрнатывы» (пер. Ю. Шэдзько); а таксама інтэрв'ю з прэс-сакратаром рыма-каталіцкай архідыяцэзіі Маці Божай у Маскве кс. К. Гарбуновым «Святы — не выдатнік у Бога» (пер. Ю. Шэдзько).

Працягваецца публікацыя трактата св. Яна ад Крыжа «Узыход на гару Кармэль» (пер. з іспанскай мовы С. Грэсві).

Паэзіі Сімяона Полацкага беларускага перыяду творчасці прысвечаны матэрыял доктара філалагічных навук В. Максімовіча «На шляху да яднання».

Даследчыца гісторыі рэлігіі Р. Зянюк у артыкуле «Ксёндз Юзаф Марсангер SJ» апавядае пра жыццё і дзейнасць гэтага выдатнага святара.

Увазе чытачоў прапануецца рэцэнзія «Тайна гжэчнае Пані Эльжбеты...» літаратуразнаўцы І. Багдановіч на кнігу В. Каліноўскага «Пані Эльжбета. Гісторыя адной прыязьні» (Смаленск, «Інбелкульт», 2016). Кніга прысвечана вядомай польскай мовазнаўцы і дыпламату Эльжбеце Смулковай, якая ў 1992-1995 гадах была першым Надзвычайным і Паўнамоцным амбасадарам Рэспублікі Польшча ў Беларусі.

Мастацтвазнаўца В. Буйвал у эсэ «Сведчанне Хрыстовай міласэрнасці» апавядае пра знакаміты твор іспанскага мастака Мурыльё (XVII ст.) «Аздараўленне паралітыка».

Літаратуразнаўца Е. Лявонава ў арт. «Чуйнае сэрца» піша пра творчасць слыннай польскай пісьменніцы Элізы Ажэшкі.

130-годдзю з дня нараджэння М. Равенскага, аўтара музыкі знакамітага каталіцкага гімна «Магутны Божа» (верш Н. Арсенневай), прысвечаны арт. Л. Камінскай «Учынкам нашым пашлі ўмалот...»

Памяці былога аўтара часопіса «Наша вера», сябра рэдкалегіі часопіса, мастацтвазнаўцы А. Ярашэвіча (1940-2016) прысвечана развітальнае слова супрацоўнікаў выдавецтва «Про Хрысто».

Да 50-годдзя з дня нараджэння Міхася Скоблы (паэта, журналіста, даследчыка літаратуры) друкуецца эсэ аднаго са старэйшых беларускіх паэтаў В. Зуёнка «Чытач чытачу — як паэт паэту...», а таксама змешчаны новыя вершы юбіляра.

У рубрыцы «Паэзія» змешчаны вершы А. Хатэнкі і А. Брусевіча.

У рубрыцы «Прэзентацыя» друкуецца арт. доктара філ. навук Г. Тычко «Чалавек вялікага сэрца», у якім аўтарка апавядае пра кнігу «Кузьма Чорны. Чалавек - гэта цэлы свет...» (2016, укл. Г. Шаблінская).

У інтэрв'ю «У музыцы павінна быць песнапенне...» Ю. Шэдзько размаўляе з выкладчыцай Акадэміі музыкі В. Янум пра асаблівасці выкарыстання музыкі падчас хрысціянскіх набажэнстваў.

Вядомая паэтка Д. Бічэль прапануе ўвазе чытачоў свой пераклад з успамінаў Ф. Канановіча «Дзе Луконіца ўпадае ў Шчару».


 

 

Design and programming
PRO CHRISTO Studio
Polinevsky V.


Rating All.BY