Home Help
Пра нас Аўтары Архіў Пошук Галерэя Рэдакцыя
2(64)/2013
Жыццё Касцёла
Год веры
Да 400-годдзя з’яўлення абраза Маці Божай у Будславе

ЮБІЛЕЙНЫЯ ЎРАЧЫСТАСЦІ Ў БУДСЛАВЕ

ШЛЯХ У БУДСЛАЎ ПРАЗ ПОСТ І МАЛІТВУ
Галерэя
Год веры
Пераклады
Гісторыя

ПРОГЛАС ДА ЕВАНГЕЛЛЯ
Постаці
У святле Бібліі
Постаці

РЫЦАР ХРЫСТА
Пераклады

ЧАТЫРЫ ВІДЫ ЛЮБОВІ
Паэзія
Проза

МІЖЧАССЕ
На шляху веры

КАЛІ ВАБІЦЬ ДАРОГА
Асобы

ВЯЛІКІ ЖЫЦЦЯЛЮБ
Музыка
Нашы святыні
Мастацтва
На кніжнай паліцы

№2(64) 2013

 
  

Гэты нумар часопіса распачынаецца матэрыяламі, прысвечанымі новаму Папу Рымскаму — Францішку: артыкулам Юліі Шэдзько «Пантыфікат любові і служэння»; а таксама прамовай папы Францішка да прадстаўнікоў сродкаў масавай інфармацыі 16 сакавіка 2013 года.

У інтэрв’ю «Ліцэнзія на збаўленне» з польскім тэолагам В. Давідоўскім OSA ўзнімаюцца складаныя праблемы хрысціянскага жыцця ў Касцёле і па-за ім.

Юбілейным урачыстасцям у Будславе з нагоды 400-годдзя з’яўлення абраза Маці Божай Будслаўскай прысвечаны маналог айца Віктара Бурлакі OFM «Юбілейныя ўрачыстасці ў Будславе». Гэтай жа даце прысвечаны вершы Я. Мальца «Беражы нас, Заступніца» і І. Саматой «Роднае», а таксама аповеды ксяндза Уладзіслава Завальнюка «Шлях у Будслаў праз пост і малітву» і Ядвігі Рай «Замалёўкі з поснай пілігрымкі» пра сэнс посных пілігрымак у Будслаў.

Мастацтвазнаўца В. Буйвал у рубрыцы «Галерэйка» апавядае пра сусветна вядомы твор Карла Брулова «Апошні дзень Пампеі».

Клерык Пінскай духоўнай семінарыі М. Гракаў у артыкуле «Як у Рыме з’явілася хрысціянства» цікава распавядае пра старажытны Вечны горад.

Працягваецца публікацыя перакладу А. Жлуткі працы Стэфана Свяжаўскага «Святы Тамаш, прачытаны нанава» — раздзел VIІІ «Божыя якасці».

«Шлях да Слова: ад Канстанціна Філосафа да Канстанціна Прэслаўскага» — так называецца артыкул А. Жлуткі, у якім распавядаецца пра пачатак хрысціянскай асветы.

Постаці легендарнага кардынала К. Свёнтка прысвечаны артыкул рэстаўратара А. Шпунта «Прывітанне з таго свету».

Літаратуразнаўца Е. Лявонава ў артыкуле «Анёлы ў пошуках цябе...» цікава разглядае канцэпт анёла ў творчасці аўстрыйскага паэта Р. М. Рыльке.

Гісторык А. Шпунт у артыкуле «Рыцар Хрыста» апавядае пра жыццё аднаго з самых адметных святароў на Беларусі — біскупа Зыгмунта Лазінскага.

«Чатыры віды любові» — так называецца праца англійскага пісьменніка і тэолага К. С. Льюіса, працяг з якой прапануецца чытачам у перакладзе Ю. Шэдзько.

У рубрыцы «Паэзія» пад агульнай назвай «Паміж ліпенем і лістападам» друкуюцца вершы А. Чобата.

Празаік Ф. Сіўко прапануе чытачам урывак са сваёй аповесці «Міжчассе».

Пісьменніца І. Жарнасек у інтэрв’ю «Калі вабіць дарога...» гутарыць з хірургам А. Гулько пра неадольную чалавечую прагу да пілігрымак.

Паэт М. Скобла ў інтэрв’ю «Вялікі жыццялюб» цікава размаўляе са знакамітым польскім рэжысёрам К. Занусі пра ўзаемадзеянне розных культураў.

Беларускі арганіст Ю. Габрусь у эсэ «Феранц Ліст...» апавядае пра славутага еўрапейскага кампазітара, які ў канцы свайго жыцця прыняў духоўны сан.

«Мастацкая мова архітэктуры сучасных касцёлаў Беларусі» — так называецца артыкул доктара мастацтвазнаўства Т. Габрусь пра новыя касцёлы ў розных рэгіёнах Беларусі.

У артыкуле «Ars incognita» мастак-плакатыст У. Крукоўскі ўпершыню апавядае пра невядомыя старонкі творчасці М. Сеўрука — яго сакральнае мастацтва на хвалу Божую.

У рубрыцы «На кніжнай паліцы» Г. Шаўчэнка знаёміць чытачоў з новаю кнігаю Я. Янушкевіча «Апостал Палесся: святы Андрэй Баболя ў паэмах Янкі Купалы» (артыкул «Святы Андрэй Баболя і наш час») і кнігаю с. Нунэ Цітаян «Крыж і Пасха» (артыкул «Як пазнаць сапраўднае аблічча Бога?»), якія выйшлі ў выдавецтве «Pro Christo» ў 2013 г.


 

 

Design and programming
PRO CHRISTO Studio
Polinevsky V.


Rating All.BY