№3(73) 2015

У новым нумары квартальніка «Наша вера» ў рубрыцы «Год кансэкраванага жыцця» публікуецца падборка матэрыялаў, прысвечаных Кангрэгацыі Сясцёр Маці Божай Міласэрнасці і асобе святой с. Фаўстыны Кавальскай: арт. с. М. К. Юралайць ZMBM «Я пасылаю цябе да ўсяго чалавецтва…», урывак з біяграфіі святой біёграфа с. Фаўстыны, польскай даследчыцы Э. К. Чачкоўскай «Ты — мой Бог ці нейкі прывід?», успаміны спаведніка с. Фаўстыны, кс. М. Сапоцькі, урывак з «Дзённіка» с. Фаўстыны і прадмова да яго, а таксама разважанне В. Галубовіч пра яе ўспрыняцце «Дзённіка», змешчанае ў матэрыяле «Для нас і нашай карысці», і аповед Э. К. Чачкоўскай «Пяць пальцаў святой Фаўстыны». Завяршаюць падборку публікацый нататкі перакладчыцы «Дзённіка» на беларускую мову К. Лялько «Мясціны, якія памятаюць…».

Доктар філалагічных навук Ж. Некрашэвіч-Кароткая прапануе ўвазе чытачоў свой пераклад даследавання нямецкага прафесара Т. Менцаля «„Пяць хростаў Русі“ ў помніках даўняга ўсходнеславянскага пісьменства».

А. Агапаў у арт. «Хрысціянскія каштоўнасці як адказ на сучасны крызіс Еўропы ў святле навучання Ёзафа Ратцынгера» разважае пра важныя аспекты вучэння выбітнага тэолага.

Да 600-й гадавіны смерці вялікага Дантэ таксама падрыхтавана падборка матэрыялаў: арт. А. Жлуткі «Паэтыка боскага…», урывак з энцыклікі Бэнэдыкта XV In praeclara summorum, арт. Дж. Папіні «За Дантэ супраць „дантыстаў“» (у пер. з італ. А. Данільчык).

Памяці пакутніка сталінскіх рэпрэсій пісьменніка Я. Скрыгана прысвечаны ўспаміны яго дачкі Галіны Скрыган — «Выратавальны круг любові».

У матэрыяле «Беларускі след Сталема» Ул. Ягоўдзік распавядае пра паэта А. Олэся (Украіна) і А. Траяноўскага, які пераклаў яго вершы на беларускую мову.

У рубрыцы «Паэзія» змешчаны вершы ўкраінскага паэта А. Олэся (у перакладзе А. Траяноўскага) і беларускай паэткі Л. Сільновай.

Цікавая падборка матэрыялаў прысвечана знакамітым юбілярам: пра выдатнага беларускага паэта Л. Галубовіча піша Е. Лявонава ў арт. «Вершам мацуючы веру…», да юбілею доктара мастацтвазнаўства Т. Габрусь падрыхтавана інтэрв’ю Л. Камінскай «Знайсці свой шлях…», а юбіляр А. Ярашэвіч, сябра рэдкалегіі нашага часопіса, прапануе ўвазе чытачоў свой арт. «Партрэты фунтадараў», дзе апавядае пра старажытную традыцыю ахвяраванняў на святыні і асобаў, якія актыўна падтрымлівалі яе.

Вядомы калекцыянер і рэстаўратар І. Сурмачэўскі ў эсэ «Вечнае жыццё» піша пра сапраўднага хрысціяніна, свайго дзеда Юзіка, і неўміручыя мастацкія творы, якія нагадваюць нам пра таямніцы чалавечага быцця.

Пра гісторыю старых аршанскіх могілак, а таксама пра магілу Людвіка Ангермана піша мастак М. Купава ў артыкуле «Аршанскія каталіцкія могілкі: гісторыя надмагілля Людвіку Унгерману».