НАША ВЕРА

Жыла заўсёды ў продках і ў нашчадках, Злучала думку з Небам наша вера; Свабодны дух даваў імпэт намерам, Засцерагаў край родны ад упадкаў. Калі ж чужынец нам сваіх парадкаў Навязваць стаў аблудныя хімеры, І ў працы сейбіта, і ў мужнасці жаўнера Нас ратавала памяць роду згадкай Пра нашу веру, годнасць і свабоду, Што ўжо былі, нібы архіўны вопіс… Але ж у Кнізе Божай быў свой допіс Пра адраджэнне нашага народу Праз нашу веру: «Стане хай часопіс!..» І Богу: «Так!» — Ужо стакрот на згоду! 26 красавіка 2022 г. Ірына Багдановіч