Home Help
Пра нас Аўтары Архіў Пошук Галерэя Рэдакцыя
1(19)/2002
Мастацтва
Нашы святыні
Мастацтва

ВЕСНАВЫЯ ГАЛІНКІ ВЯРБЫ

НАПАЛЕОН
Memoria
Паэзія

ВЕРШЫ

ВЕРШЫ
Проза

ЖЫЦЦЁ ПАЭТА Ў МІНІЯЦЮРЫ
Haereditas

СЛАВУТЫ ЧЫЛІЕЦ

МАЕ ПАДАРОЖЖЫ
Мастацтва
Культура
Кантрапункт
Пра самае важнае


Паэт Тамаш Агатоўскі нарадзіўся 24 верасня 1966 года – у гэты дзень яго вершы надрукаваў «Глос Ольштыньскі»: паэт нараджаецца разам са сваім словам... З 1968 года жыве ў Познані. Скончыў факультэт журналістыкі і палітычных навук Варшаўскага універсітэта. Піша таксама прозу, публіцыстыку, фельетоны. Сябра Саюза польскіх літаратараў і Саюза журналістаў. Аўтар сямі томікаў паэзіі: «Спачатку было маўчанне», «Які быў бы агонь», «Я, меншы брат Слова» і інш.
Вершы Т.Агатоўскага перакладзены на грэцкую, украінскую, літоўскую, рускую, румынскую, англійскую, нямецкую, італьянскую і шведскую мовы.
 

Помнік слова

Я пастыр маіх дзён
загадваю высячы
помнік слова

У форме маста і шлюбу і мяча
слёзаў ружы сонца твараў
у форме сада акопаў гадзінніка

У форме пагібелі алтароў жамяроў
сцяжкоў гусарскіх кніжак і ракетаў
помнік вандроўкі і прызначэння

Вечны камень будоўлі і руінаў

Гісторыя

Цытадэлі і трупы ляжаць у травах,
а маткі далей нараджаюць новых жаўнераў,
не перасольваюць слёзы, усё яшчэ мала пацераў.

Следам крочаць, як з пяском у вачах,
кіпцюр ільва тырчыць з кожнага языка,
вежы капліцаў нясуць у далонях.

Ідуць з паходнямі помнікаў,
з міласцю Божай на тварах.
Наступныя. Наступныя. Наступныя...

Чаму я плачу

Бачыў матку
ў хуткім цягніку
стаяў на пераездзе
з хворым сэрцам

Не пытала адкуль маю
кветкі на перонах вакзалаў
хто мне куфаль піва
паставіў у аэрапорце

Не пытала
колькі мне гадоў
і чаму я плачу
калі нішчу машынапіс

Бачыў я матку
у цягніку хуткім
бег следам па шпалах
цалаваў край Неба

Бяздомнаму воля

Цвярдзей і цвярдзей бетонныя ходнікі
замучаны дзень складвае вейкі
як канцы белы клунак

Засынаюць псальмы званоў касцёлаў
нічыя рука лічыць манеты

А малітва як подушка на картонным ложку

Радасць

Гэткі твой крыж
заслугі
мой камень
што ляжыш

а на табе
жыццё адпачывае

Бурса св. Тамаша

Каскі хмараў
навальваюцца на лес
неба ў грымотах

Каскадзёр вецер
ламае сукі і галіны
скруціўся Тамаш
над ракой веры

Рака поўная жаху
святых рыбаў
бразгае берагамі

Прайшла паводка
бяжыць дзень за днём
пазней Тамаш памёр
кепска было яму з намі

Матка нагляду

Ты ёсць целам, якое нарадзіла цела,
подыхам, які нарадзіў подых,
адлівам, які нарадзіў прыліў,
а прыліў той будзе адлівам,
і адліў той будзе прылівам.

Матка нагляду Зямлі міласэрнай
міласці босыя ногі, а сэрца ў цернях.

Філосаф і паэт

Ляцяць бяздомныя птахі –
у свет са святой Ітакі.


 

 

Design and programming
PRO CHRISTO Studio
Polinevsky V.


Rating All.BY