 |
|
 |
-
Гэты нумар распачынаецца артыкулам кс. А. Куляхі « Культ і абраз св. Юзафа ў Гудагаі», прысвечаным Году св. Юзафа, абвешчаным у Паўсюдным Каталіцкім Касцёле.
-
Памяці К. Свёнтка прысвечана эсэ першага пасла Польшчы ў Беларусі, доктара мовазнаўства Э. Смулковай «Мае ўспаміны пра ксяндза кардынала Казіміра Свёнтка».
-
Вядомы калекцыянер І. Сурмачэўскі ў арт. «Будслаў. Пілігрымка ў цішыню…», асэнсоўваючы драму пажару ў нацыянальнай хрысціянскай святыні, заклікае беларусаў больш цаніць сваю агульную духоўную спадчыну.
-
У рубрыцы «На кніжнай паліцы» змешчаны ўрывак «Усе суды Твае праведныя» з кнігі «Памілаваныя» айца А. Жарнасека МІС.
-
Памяці таленавітага рэжысёра-дакументаліста Ю. Гарулёва прысвечаны артыкул пісьменніцы, галоўнага рэдактара часопіса «Наша вера» К. Лялько «Мой Божа, як зразумець сэрца смерці?» і кінакрытыка Г. Шур «Стоп-кадр: Юрый Гарулёў».
-
Гісторык А. Шпунт у арт. «Ксёндз Станіслаў Парчэўскі — сябар Адама Міцкевіча» знаёміць чытачоў з яшчэ адной цікавай асобай духоўнай культуры беларусаў.
-
У часопісе друкуецца размова з прафесарам тэалогіі айцом Здзіславам Кіясам OFMConv «Згрызоты сумлення».
-
Літаратуразнаўца, паэтка І. Багдановіч друкуе свае пераклады літаратурнай спадчыны Габрыэлі Пузыні.
-
У рубрыцы «Паэзія» змешчаны вершы І. Багдановіч, а таксама вершы кс. Ежы Шыміка.
-
Л. Камінская ў эсэ «Сэрцу, не знятаму з Крыжа…» піша пра новую кнігу перакладаў вершаў кс. Яна Твардоўскага «Да Маці Божай», якая выйшла ў выдавецтве «Про Хрысто».
-
Пра грунтоўную працу фалькларыста У. Васілевіча «Помнікі айчыннага гравюрнага мастацтва» апавядае вядомы даследчык літаратуры Я. Янушкевіч.
-
У рубрыцы «Проза» змешчаны аўтабіяграфічныя нарысы пісьменніка, мастака, выдаўца У. Сіўчыкава.
-
Біблійны тэолаг езуіт Войцех Жмудзіньскі SJ разважае над асобай Ёва, героя адной з самых драматычных кнігаў Старога Запавету, які не наракае на Бога з прычыны няшчасцяў, якія здарыліся з ім, але не можа прымірыцца са сваім лёсам.
-
Таленавіты беларускі мастак А. Дубінін, які шмат гадоў працаваў у Італіі, у эсэ «Адбудуй Мой дом…» расказвае пра свой цыкл мастацкіх працаў у базыліцы св. Францішка і св. Антонія ў італьянскім горадзе Cava de’ Tirreni — горадзе-пабраціме беларускага Нясвіжа.
|
|
