1-я ЧАСТКА 1 № 1 Хор ХОР І і ІІ Гляньце, сёстры мілажалю... Вось Ён! Хто? ... Ягня, Хрыстос. Гляньце, Ён! Хто? ...Жаніх зь нябёс! ХАРАЛ О Сын Божы бязьвінны, У цернях злое няпраўды. ХОР І і ІІ Вось Ён! Хто? Пакутнік Спас. ХАРАЛ На крыж прыбілі Сына, — О, колькі вынес пагарды! ХОР І і ІІ Глянь... На што? Ратуе нас; ХАРАЛ За грэх наш пакараны, За нас пакуты, раны. ХОР За любоў сваю да нас Крыж нясе, п’е мукаў шалю. (…) 3№ 3. Харал Сын Божы любы, чым Ты правініўся, За што суд жорсткі над Табой чыніўся? У чым віна? Ах, за якія дзеі — Цябе ў зладзеі? (…) 5№ 5. Recitativo О добры Збаўца мой, Калі мужам дурным няясна, Чаму Ёй час настаў Падрыхтаваць Хрыста Да савана заўчасна, Дазволь і мне на супакой Патокам слёз, вачэй бальзамам Табе ўслужыцца гэтаксама. 6№ 6. Арыя (Альт) Каяньне Рве пакутай сэрца мне; А Тваім збалелым ранам Пакаяньне ад мяне Будзе, Езус, хай бальзамам. Каяньне... (…) 8№ 8. Арыя (Сапрана) Сэрца о, крывёй сплывай! Ах! Дзіця, што Ты ўскарміла, Да грудзей сваіх туліла, Сьмерць табе нясе з сабою, Бо яно ўзрасло зьмяёю. Сэрца, о… (…) 10№ 10. Харал Я той, чый грэх бязьмежны, Душой і целам грэшны Я — пекла заслужыў! Няхай бы ўся навала На долю мне прыпала — Маёй зьняможанай душы! (…) 12 № 12. Recitativo Хоць сэрца ўсё сплыло сьлязой, Бо разьвітаўся мой Ісус са мной, Але праклаў нам сьлед у новы сьвет, Даў плоць і кроў — у запавет, Даў мне у спадчыну, як сонца. І хоць Яго прадажны сьвет на мукі Аддаў у злыя рукі, Ён палюбіў людзей бясконца. 13№ 13. Арыя (Сапрана) Дар Табе мой — сэрца, Спасе, Я ўвайду ў яго душой, Каб сама з Табой зраслася,— Ды малы Табе сьвет мой — Будзь Ты мне, Гасподзь, зямлёй, Сьветам будзь, Ісусе мой. Дар Табе мой... (…) 15№ 15. Харал Пазнай мяне, мой Пастыр, Пара к Табе, пара! Крыніца шчодрай ласкі, Ты столькі даў дабра. Карміў, паіў і собіў Салодкай пестай Ты, Твой дух мяне спадобіў Нябеснай мілаты. (…) 17№ 17. Харал Хачу стаяць з Табою, Мне Ты — нябесны дар! Хачу прыняць душою Апошні сэрца ўдар. Як толькі разарвецца Яно ў Тваіх грудзях, Сабе яго у сэрца Прыму як Твой працяг. (…) 19№ 19 Recitativo [з Харалам] О боль! Аж сэрца з роспачы дрыжыць! Аж грудзі рве! На твары цень пакут! За што пакуты гэтыя прыпалі? Судзьдзя вядзе Яго на суд, — А праўды ані там, ні тут! Ах, то ж мае грахі прычынай сталі! За грэх чужы нясе цярніну І нашу сплачвае даніну. Ах, Божа Хрысце, я пакут прычына, Мая правіна! Ах, каб любоў к Табе мая Спыніць магла альбо пасобіць несьці Твае цярпеньні і балесьці, — Прыняў бы кару я! (…) 22№ 22 Recitativo Упаў у ногі Госпаду мой Збаўца, Каб так узвысіць нас да Бога З граху ліхога Туды, увысь, у ласку дацца. . Гатовы Ён, Піць горыч сьмерці з поўнай чары, Людскіх грахоў смярдзючы гной, Каб так ад нас адвесьці ўдары, Бо так Гасподзь управіў мой! 23№ 23. Арыя (Бас) Хачу душой скарыцца, Выпіць чару, з крыжам зьліцца, З чары Збаўцы прагну піць. Рот Яго Малаком крынічыць, мёдам Зь берагоў — Дапаможа перажыць Сорам, крыўду — з асалодай. Хачу душой… (…) 25№ 25. Харал Што хоча Бог, таму і быць, Ягонай волі згодна, Таму паможа ў ласцы жыць, Хто верыць богаўгодна, Не прападзе І ўцьвердзіў Бог, Ў ліхой бядзе,— Хто Бога ў сэрцы мае. Таго збярог, Таго не пакідае. (…) 27№ 27а. Арыя [дуэт з Хорам ІІ] Вось майго Хрыста схапілі. Стойце! Каты! Гэта зло! Ноч, сьвятло У нямой жудзе застылі. Бо майго Хрыста схапілі. Стойце! Каты! Гэта зло! Вядуць Яго, Яго схапілі. № 27b. Хор І і ІІ Ці зьніклі грамы і маланкі у хмарах? Геена, — разьзеўры агністую пашчу; Разбуры, патрушчы, панішчы лядашча Як выбухам іх — Прадажніка злога, забойцаў ліхіх! (…) 29№ 29. Харал Твой грэх аплакаць час настаў, О люд! Нам Бог прыслаў Хрыста, Сына, да нас з вышыняў; З улоньня Дзевы ў сьветлы час Прыйшоў з ратункам Ён да нас, Прыйшоў Ён Божым Сынам. Памерлым Ён жыцьцё прынёс, І хворых ацаліў Хрыстос, Пакуль прыйшла часіна За нас, за нашыя грахі Прыняць пакутны скон ліхі — Зноў стацца Божым Сынам. 2-я ЧАСТКА 1 № 30. Арыя [з Хорам ІІ] Ах! Дзе ж мой Ісус цяпер! Куды ж Ён пайшоў, твой каханы, О красуня-жанчына? Бо Ягня, магчыма, знікла? Куды твой каханы пайшоў? Ах! Ягня у тыгра ў іклах! Ах! Куды ж Ісус пайшоў? Пашукаем Яго з табою. Ах! Што я скажу ў сваім сэрцы, Калі са страхам Яна папытае? Ах! Куды ж пайшоў Ісус? (…) 3№ 32. Харал Фальшывы суд зьвёў запавет Маной на глум, ілжывы сьвет Злавіць у сеткі хоча. Мой Бог вядзе мяне ў бядзе, — Крый нас ад фальшу, Ойча. (…) 5№ 34. Recitativo Маўчыць Ісус на злыя нагаворы, Каб тым адкрыць нам вочы, Што воляю сваёй суд скоры За нас гатовы Ён прыняць, Што мы ў часы ліхіх нягод За прыклад браць Яго Павінны і цярпець у моўчы. № 35. Арыя (Тэнар) Цярпi! Цярпi! Языкоў ліхія жарты Бязь віны сваёй цярпi — Кпіны, зьдзек. Ах, мой Божа, чалавек За абразы помсты варты. Цярпi! Цярпi!.. (…) 8№ 37. Харал Хто так Цябе зьнявечыў. О Сыне Чалавечы, Хто так Цябе зглуміў? Ня грэшнік Ты на сьвеце, Як мы і нашы дзеці, Злачынства ня ўчыніў. (…) 10№39. Арыя (Альт) О, жалю дай, Мой Бог, за слёзы ўмілажалься! Глянь: душой, Сэрцам плачу прад Табой, Жалю дай, О, жалю дай, Мой Бог, за сьлёзы ўмілажалься! 11№ 40. Харал Ухіліўся ад Цябе я Да Цябе вярнуўся зноў; Толькі Сын Твой так умее Сьмерцю нас вяртаць, сыноў. А на мне ляжыць віна, Літасьцю Тваёй яна Зноў злагоджана і зьнята, І ў душы маёй зноў сьвята. (…) 13№ 42. Арыя (Бас) Я іду к майму Ісусу! Вось, — грашмі забойцам Ён Плаціць іх ганебны плён, Прахлую спакусу! Я іду к майму Ісусу!.. (…) 15№ 44. Харал Давер свае дарогі І ў сэрцы скрухі ўсе Таму, хто ўсе трывогі І болесьці нясе, Хто хмарам, ветру ў небе Указвае шляхі, Ён і ў тваёй патрэбе Апора для нагі. (…) 17№ 46. Харал Выдатны вынік кары чалавечай! Пастух цудоўны гіне за авечак; Віну ўзяў на сябе Ён, Справядлівы, За слуг шкадлівых! (…) 19№ 48. Recitativo Ён нам усім рабіў дабро. Сьляпым вярнуў здаровы зрок Расслабленым даў ногі; Айца Свайго нам слова даў, Нячысьцікаў прагнаў; Засмучаным даў светлы ўрок; Надзеяй грэшных прасьвятліў; І больш нічога не зрабіў. 20№ 49. Арыя Карае Збаўцу псота злая, Хоць Сам ня ведае віны, Кара вечная людская, І асуда злой маны Мір душы не закранае. Карае Збаўцу... (...) 22№ 51 Recitativo Даруй, Гасподзь! Стаіць тут Збаўца бічаваны. О кроў Яго, о боль, о раны! Спыніце, каты, зьдзек! Няўжо у вас душы няма — Глядзець на боль Яго душы? Ах, так!? У вас яна Цьвярдзейшая, чым чалавек Расьпяты на крыжы. Спыніце, каты, зьдзек! 23№ 52. Арыя (Альт) Як сьляза ня мецьме сілы, Божа мілы, Сэрца мне крынічыць хай, Каб абмыць вадой гаючай Кроў цярпеньняў, ран балючых, Як з ахвярнай шалі — дай! (…) 2№ 54. Харал О голаў, што у ранах, Які Твой злы вырок, О голаў, што прыбрана, У церневы вянок, О голаў, як ты зьзяла У годнасьці, ў красе, Яна цяпер апала. А мне мілей за ўсе. О годнае аблічча, — Высокі сьвецкі суд Баіцца, і скавыча, І лье паскудны бруд. Ты бледны твар пад небам! Хто ж бляск вачэй Тваіх, Спаганіў так ганебна, Прыцьміў злачынна іх? (…) 5№ 57. Арыя Ляж, добры крыж, ляж мне на плечы; Ісусе, дай яго; калі ж Ня ў змогу будзе мне Твой крыж, Тады цяжар яго палегчы. Ляж, добры крыж... (…) 7№ 59. Recitativo Ах, Голгата, ах, злашчасная гара! Гасподзь красы тут мусіў смерць прыняць ганебна, Яго, сьвятло і мір зямлі, На крыж з праклёнам паднялі. У Творцы неба, водаў, нетраў Забралі тут зямлю й паветра; Нявіннасьць тут за грэх памерла: Разьбілі скарбніцу дабра — Ах, Голгата, злашчасная гара! 8№ 60. Арыя [з Хорам ІІ] Гляньце: пад рукой Хрыста Вас чакае мілата, — Час! Куды? Хрысту у рукі, Там ратунак ваш ад мукі, Клічце! Што? Хрыстовы рукі. Пад Яго сьвятой рукой Сьмерць, жыцьцё і ваш спакой, Майце! Што? Хрыстовы рукі. (…) 10№ 62. Харал Як прыйдзе час расстацца, — Не пакідай мяне, Ці сьмерці ў рукі здацца, — Не пакідай мяне! Калі страх сьцісьне сэрца Што стане сьвет няміл, Дык дай мне моцы стрэцца З пакутай, дай мне сіл! (…) 12 № 64. Recitativo Халодным вечарам Адам Душу сваю на грэх аддаў. І Бог караў увечары няверных. На вечар час прыпаў галубцы З галінкаю вярнуцца ў дзюбцы. О шчасны час! О час вячэрні! І вось нам мір — мір з Богам даў Хрыстос, Бо Сам Свой крыж за нас панёс. Спакой Хрысту — ў душу. Ах! Добрая душа, прашу: Вось, цела мёртвага вазьмі з сабою, О гойны дар, о памяць зь мілатою! 13№ 65. Арыя (Бас) Сэрца, будзь у чысьціні,— Сам Хрыста я пахаваю. Бо цяпер Ён ува мне, Ён ва мне Свой спакой салодкі мае, Сьвет, пусьці, Хрыста прымі! Сэрца, будзь… (…) 15 № 67. Recitativo (Сапрана, Альт, Тэнар, Бас, Хор І і ІІ) Цяпер здабыў Гасподзь спакой. Дабранач, Збаўца мой! Мінуўся час турбот ад грэшнасьці людской. Дабранач, Збаўца мой! О любасны Ісусе, Я каяньнем да ранаў узнясуся, Сьлязьмі адмыю грэх душэўны свой. Дабранач, Збаўца мой! І віну Пакутамі ты адхінуў, За нас ахвяраю душы сваёй. Дабранач, Збаўца мой! 16№ 68. Хор І і ІІ Душа твая ў спакой зьляцела. Мы кленчым, клічам са сьлязьмі: Сьпі у міры, зь мірам сьпі! Сьпі, зьнясіленае цела! Сьпі у міры, зь мірам сьпі! Гэты дол і камень Твой Служаць добраму сумленьню, Крэс кладуць Твайму цярпеньню, Мір даюць душы, спакой. Сьпі у міры, зь мірам сьпі! У любові сьветлы дух свой супакой! Душа малітвы...