№4(94) 2020

Спампаваць PDF

• Гэты нумар распачынаецца віншавальным зваротам арцыбіскупа Тадэвуша Кандрусевіча да рэдакцыі часопіса з нагоды ягонага 25-годдзя.

• У рубрыцы «Постаці» друкуецца арт. тэолага М. Пашук «Скарбніца святога Гераніма», у якім аўтарка апавядае пра духоўныя багацці, пакінутыя нам адным з вялікіх дактароў лацінскага Касцёла.

• Да 70-годдзя Беларускай праграмы Ватыканскага радыё друкуюцца нататкі «Шляхам дзіваў і ўражанняў» (1934 г.) кс. П. Татарыновіча (заканчэнне).

• Журналіст Я. Чапля прапануе ўвазе чытачоў урыўкі са сваіх гутарак з а. Ю. Пятушкам МІС пад назваю «Апосталамі не нараджаюцца».

• У перакладзе з польскай мовы Ю. Шэдзько змешчана інтэрв’ю «Брамы для злога духа», у якім кс. Т. Мацьковяк і кс. А. Кабылінскі разважаюць пра штодзённыя пасткі д’ябла.

• Вядомы даследчык літаратуры Я. Янушкевіч у эсэ «Дырыжор Скарыназнаўства» ацэньвае плённую шматгадовую працу лацініста А. Жлуткі.

• 200-годдзю ўтварэння Таварыства філаматаў і філарэтаў прысвечаны арт. літаратуразнаўцы І. Багдановіч «Багіні вы нашы і пані...» Тут жа змешчаны верш Яна Чачота «Просьба да нашых зямлячак аб кунтушах», а таксама верш Антонія Эдварда Адынца «Ковенская даліна».

• Да юбілею У. Караткевіча прымеркаваны арт. Я. Янушкевіча «Рэмбрант беларускай літаратуры».

• У арт. «Наш сціплы касцёлак...» мастацтвазнаўца Н. Усава разважае пра творчасць Ф. Рушчыца. Тут жа пад назваю «Таямніца залакаванай бутэлькі» друкуецца новая інфармацыя пра слыннага мастака ў перакладзе з польскай мовы А. Макарэвіч.

• У рубрыцы «Паэзія» ўпершыню друкуюцца вершы літаратуразнаўцы, медыявіста У. Кароткага. Суправаджаюцца вершы артыкулам І. Багдановіч «Не, мой прашчур насіў булаву…».

• Перакладчыца А. Сямёнава-Герцаг у сваім інтэрв’ю з вядомаю аўстрыйскай пісьменніцаю Л. М.-Скуманц знаёміць чытачоў з асаблівасцямі яе творчага шляху.

• Л. Камінская прэзентуе чытачам новую кнігу Д. Бічэль «Азерца, поўнае слёз».

• Журналіст П. Васілеўскі ў эсэ «Я, на жаль, аказаўся вельмі актуальным мастаком...» разважае пра творчасць А. Дубініна.