Home Help
Пра нас Аўтары Архіў Пошук Галерэя Рэдакцыя
1(31)/2005
На кніжнай паліцы
Галерэя
Мастацтва

УНЕБАЎШЭСЦЕ ПАНА
Пераклады

СМЕХ САРЫ
Падзеі
На шляху веры
Паэзія

ВЕРШЫ

ВЕРШЫ
Пераклады

МАЛІТВЫ ЗА ВОЛЮ

ВЕРШЫ
Проза

З ДАРОГІ
Кантрапункт

NON NOBIS, DOMINE...
Музыка
Постаці

ВЫСАКАРОДНАЕ ЖЫЦЦЁ
Хрысціянская думка

ЕВАНГЕЛЛЕ — ГЭТА ПРАЎДА
Бібліятэка часопіса «Наша вера»
Успаміны

НЕ ПАКІДАЙ НАС, ВЕРА
Роздум

З ДОМУ ДУХОЎНАГА
Юбілеі

НА МЯЖЫ МАГЧЫМАГА СПАЗНАННЯ

№ 1 (31) 2005

Чарговы нумар часопіса «Наша вера» распачынаецца працягам публікацыі перакладу новай кнігі Святога Айца Яна Паўла ІІ «Устаньце, хадзем!», якая выйшла да 84-й гадавіны з дня нараджэння Папы ў Кракаўскім выдавецтве св. Станіслава і з’яўляецца працягам яго аўтабіяграфічнай кнігі «Дар і Таямніца», ужо вядомай беларускім чытачам у перакладзе Крыстыны Лялько(>>).

У рубрыцы «Галерэя» мастацтвазнаўца Валеры Буйвал знаёміць чытачоў з чарговым шэдэўрам сусветнага мастацтва – ізэнхаймскім алтаром «Укрыжаванне» знакамітага нямецкага жывапісца Матыяса Грунэвальда(>>).

Артыкул мастацтвазнаўцы Аляксандра Ярашэвіча «Унебаўшэсце Пана» прысвечаны аднайменнаму сюжэту ў роспісах беларускіх праваслаўных і каталіцкіх святыняў(>>).

У рубрыцы «Пераклады» рэдакцыя знаёміць чытачоў з тэалагічным роздумам кардынала Ёзафа Ратцынгера «Смех Сары», у якім аўтар разважае пра адну з формаў хрысціянскай велікоднай радасці – бесклапотны, шчаслівы смех, праз які чалавек сведчыць пра свой бязмежны давер Богу(>> | >>).

У рубрыцы «Падзеі» друкуецца даклад «Хрысціянства і выклікі секулярызму, бязвер’я і рэлігійнай абыякавасці» Яго Эмінэнцыі кардынала Поля Пупара, прачытанага на канферэнцыі «Хрысціянства і ўзаемапранікальнае суседства духоўных каштоўнасцяў у Еўрапейскай супольнасці», арганізаванай Тэалагічным інстытутам імя святых Кірыла і Мятода ў Мінску 10 снежня 2004 г(>>).

Пісьменніца Ірына Жарнасек у рубрыцы «На шляху веры» гутарыць з ксяндзом Алегам Буткевічам пра неабходнасць хрысціянскага прабачэння(>>).

У рубрыцы «Паэзія» чытачам прапануюцца вершы вядомага беларускага паэта Сяргея Законнікава, у якіх аўтар разважае над праявамі Божай міласці ў штодзённым жыцці і хуткаплыннасцю быцця. У гэтай жа рубрыцы Уладзімір Скарынкін прапануе чытачам свае новыя творы(>> | >>).

«Малітвы за волю» – так называецца ўступны артыкул студэнткі Ганны Серэхан у рубрыцы «Пераклады», у якім аўтарка знаёміць чытачоў з творчасцю малавядомага паэта ХІХ ст. Антона Гарэцкага. Тут жа друкуюцца вершы гэтага аўтара – чалавека з цікавым лёсам і амаль недаследаванай творчасцю(>>).

Вядомы беларускі гісторык Юры Туронак у рубрыцы «Проза» працягвае знаёміць чытачоў з творчасцю ксяндза Люцыяна Хвецькі (Л. Малышэвіча) – аднаго з пачынальнікаў адраджэнскага каталіцкага руху(>>).

Айцец дамініканін Міхал Ермашкевіч у рубрыцы «Кантрапункт» разважае пра традыцыю і мадэрнізм у сакральнай архітэктуры(>>).

У рубрыцы «Музыка» Святлана Шэйпа апавядае пра святара і музыканта Яна Галіча-Сулінскага, які пакінуў значны след у гісторыі каталіцкай музыкі на Беларусі ў другой палове ХІХ ст(>>).

«Высакароднае жыццё» – так называецца артыкул архівіста Яніны Кісялёвай у рубрыцы «Постаці», прысвечаны Стэпанавічусу Юліёнасу – віленскаму арцыбіскупу, аднаму з самых слынных рэлігійных дзеячаў Літвы мінулага стагоддзя(>>).

У рубрыцы «Хрысціянская думка» змешчаны артыкул магістра філасофіі Мары-Крыстын Чаруці-Сандрые «Евангелле – гэта праўда», у якім аўтарка выступае з абаронай гістарычнасці Евангелляў і крытыкай мадэрнізму ў тэалогіі(>>).

Вядомая пісьменніца і крытык Ала Сямёнава ў рубрыцы «Роздум» прапануе чытачам сваё эсэ, у якім яна разважае пра Уладзіміра Самойлу – мысляра, філосафа, крытыка, хрысціяніна, які апекаваўся творчасцю многіх беларускіх пісьменнікаў, у тым ліку Янкі Купалы(>>).

Пра новую кніжку народнага пісьменніка Беларусі Янкі Брыля «Блакітны зніч», якая выйшла ў бібліятэцы часопіса «Наша вера», піша доктар філалагічных навук, прафесар кафедры сацыялогіі факультэта журналістыкі БДУ, літаратуразнаўца Галіна Тычка(>>).

У рубрыцы «Успаміны» пісьменніца Алена Васілевіч прапануе чытачам свае шчырыя, светлыя згадкі пра пісьменніцу Веру Палтаран(>>).

«На мяжы магчымага спазнання» – так называецца артыкул мастацтвазнаўцы Галіны Багданавай, напісаны з нагоды юбілею беларускага мастака-графіка, мастацкага рэдактара часопіса «Наша вера» Уладзіміра Вішнеўскага(>>).


 

 

Design and programming
PRO CHRISTO Studio
Polinevsky V.


Rating All.BY