|
|
№
1(43)/2008
Галерэя
Арцыбіскуп Тадэвуш КАНДРУСЕВІЧГод Божага слова
Ксёндз Андрэй ЗАЙЧЫКУ свеце Бібліі
Уладзімір КОНАНAd Fontes
Тамаш КЭМПІЙСКІПераклады
Гілберт Кійт ЧЭСТЭРТАНВЕРА & CULTURA
Пётра РУДКОЎСКІПераклады
Жанна НЕКРАШЭВІЧ-КАРОТКАЯНашы святыні
Міхась БАЎТОВІЧПроза
Віталь ВОРАНАЎПаэзія
Мар’ян ДУКСАПа родным краі
Вячаслаў ДУБІНКАПераклады
Дабрачыннасць
Фабрыцыо ПАЧЫФІЧЫМастацтва
Валеры БУЙВАЛМузыка
Святлана ШЭЙПАМастацтва
Данута БІЧЭЛЬ
|
№1(43) 2008Гэты нумар часопіса распачынаецца публікацыяй артыкула мастацтвазнаўцы Валерыя Буйвала «Тыцыян. Каранаванне Хрыста цярновым вянцом», у якім аўтар звяртае ўвагу чытачоў на найважнейшы ў мастацтве евангельскі вобраз, увасоблены вялікім творцам італьянскай культуры з надзвычайнай сілай і праўдаю. (>>) Арцыбіскуп Мітрапаліт Мінска-Магілёўскі Тадэвуш Кандрусевіч у артыкуле «Надзея сучаснага чалавека» дае свой каментар да энцыклікі Бэнэдыкта XVI Spe salvi, услед за якім друкуецца сама энцыкліка (яе публікацыя будзе прадоўжана ў наступных нумарах).(>>|>>) Пад рубрыкай «Год Божага слова» ксёндз Андрэй Зайчык, выкладчык Святога Пісання ў Міждыяцэзіяльнай вышэйшай духоўнай семінарыі ў Пінску, друкуе артыкул «Евангеліст Марк», у якім прапануе чытачам свае разважанні над Евангеллем паводле св. Марка, лейтматывам якога, на думку аўтара, з'яўляецца філасофія Божага плану.(>>) Доктар філасофскіх навук Уладзімір Конан у артыкуле «Загадка Ерыхонскай трубы...» разважае пра таямніцу катастрофы палестынскага горада Ерыхона, якая адбылася ў канцы 2-га тыс. да н.э.(>>) У рубрыцы Ad fontes увазе чытачоў прапануецца працяг перакладу на беларускую мову вядомай працы Тамаша Кэмпійскага «Следам за Хрыстом», зробленага ў 1930-я гады Станіславам Грынкевічам.(>>) У рубрыцы «Пераклады» змешчаны працяг артыкула Гільберта Кійта Чэстэртана «Святы Францішак», у якім разважаецца пра тое, як трэба пісаць пра святога Францішка. Тут жа публікуецца працяг перакладу «Кветачкі святога Францішка», зроблены з італьянскай мовы на беларускую кандыдатам філалагічных навук Аксанай Данільчык. (>>|>>) У рубрыцы «Вера і культура» друкуецца артыкул Пятра Рудкоўскага ОР «Ідэя прагрэсу з пазіцыі хрысціянства», у якім аўтар метафарычна разглядае хрысціянства як гару Перамянення, элементамі якой з'яўляюцца самыя розныя традыцыі, звычаі, этнічныя культуры, інтэлектульныя ідэі.(>>) Даследчыца старажытнай літаратуры Жанна Некрашэвіч-Кароткая прапануе чытачам свой пераклад лацінамоўнай паэмы «Язафатыда», у якой апавядаецца пра забойства Полацкага арцыбіскупа Язафата Кунцэвіча, і дае свой каментар да гэтага твора пад назвай «Песня пакутаў Язафата з вялікага краю Расанаў».(>>|>>) Пра цуд святога Казіміра пад Полацкам апавядае краязнаўца Міхась Баўтовіч у артыкуле пад аднайменнай назвай.(>>) У рубрыцы «Проза» друкуецца апавяданне маладога літаратара, перакладчыка Віталя Воранава «Звон».(>>) Мар'ян Дукса ў рубрыцы «Паэзія» прапануе чытачам свае новыя вершы - «Невыпадковыя рэфлексіі».(>>) «Без дбайных рук і крыніца гібее» - так называецца падарожнае эсэ вядомага публіцыста, фатографа, майстра беларускай выцінанкі Вячаслава Дубінкі, якое друкуецца ў новай рубрыцы часопіса «Па родным краі».(>>) У рубрыцы «Пераклады» змешчана падборка вершаваных твораў украінскіх паэтаў («Скуль ідзеш мой народзе?..»), падрыхтаваная да друку паэтам Эдуардам Акуліным - укладальнікам Анталогіі сучаснай украінскай паэзіі пад назваю «Украінскі майдан».(>>) Пра дабрачынную працу італьянскага фонда «Дапаможам ім жыць», які апякуецца аздараўленнем дзяцей з Чарнобыльскай зоны, апавядаецца ў артыкуле італьянца Фабрыцыо Пачыфічы «Як знікае ўпэўненасць».(>>) У рубрыцы «Мастацтва» друкуецца артыкул Валерыя Буйвала «Сведка эпохі», прысвечаны Андрыёлі - вядомаму мастаку і падарожніку, які спавядаў хрысціянскія ідэі ў сваёй творчасці.(>>) «Адукацыя касцёльных музыкантаў на Беларусі ў ХІХ ст.» - так называецца артыкул музыказнаўцы Святланы Шэйпы, у якім яна аналізуе праблему падрыхтоўкі касцёльных арганістаў.(>>) Нумар завяршаецца артыкулам Дануты Бічэль «Казімір Місюра і майстроўня Яна Сміта», у якім аўтарка знаёміць чытачоў з працай рэстаўратара гродзенскай катэдры імя Францішка Ксавэрыя.(>>)
|
|
|