№1(99) 2022

Спампаваць PDF

• 50-годдзю з дня нараджэння біскупа А. Буткевіча прысвечана інтэрв’ю «У вернасці Ягонай волі», падрыхтаванае Ф. Дубраўскім.

• Памяці выдатнай беларускай пісьменніцы А. Сямёнавай прысвечана развітальнае слова К. Лялько «Спадзяюся на святло…». Тут жа друкуецца эсэ А. Сямёнавай «Sursum corda!», у якім пісьменніца апавяла пра лёс сястры Малгажаты Банась — адной з ацалелых падчас Другой сусветнай вайны назарэтанак, расстраляных у Наваградку.

• Д. Загацкі ў арт. «Беларускія адрасы Іганата Дамейкі. Азяраны» апавядае пра адну са старонак біяграфіі нашага знакамітага земляка.

• Літаратуразнаўца І. Багдановіч прапануе ўвазе чытачоў паэтычны абразок «Сустрэча са святым Казімірам…».

• Гісторык, архівіст А. Шпунт працягвае знаёміць чытачоў з адметнымі асобамі Каталіцкага Касцёла — на гэты раз у эсэ «…Набліжаецца да Кяршніцкага» ён апавядае пра ксяндза, якога сучаснікі называлі Перыклам за яго адукаванасць і прынцыповасць.

• Рэстаўратар І. Сурмачэўскі друкуе арт. «Юнацтва будслаўскага касцёла», у якім працягвае свой аповед пра гісторыю знакамітага санктуарыя.

• 135-годдзю з дня нараджэння паэта Алеся Гаруна прысвечаны літаратуразнаўчы арт. І. Багдановіч «Ты мей прад сабой толькі Бога…». Тут жа друкуюцца вершы Алеся Гаруна.

• У рубрыцы «Паэзія» друкуюцца вершы Д. Бічэль і вершы А. Данільчык.

• У рубрыцы «Прэзентацыя» змешчана эсэ Л. Камінскай «Мелодыя калаўрота», у якім апавядаецца пра новую кнігу пісьменніцы І. Жарнасек «Нашых дзён крыгаход».

• Ж. Федзіна ў арт. «Яе ратавала вера…» распавядае пра сваю бабулю Эмілію Дрозд, якая вылучалася трывалай адданасцю каталіцкай веры.

• У арт. «Сустрэчы беларускіх езуітаў з індзейцамі» даследчык А. Сімакоў распавядае пра малавядомыя старонкі місіянерскай дзейнасці.

• Постаці вялікага беларускага першадрукара прысвечаны арт. А. Бразгунова «”Малая падарожная кніжка” Францішка Скарыны».

• Э. Дзвінская прапануе ўвазе чытачоў інтэрв’ю «Беларускія Буквары фарміруюць свядомасць», у якім яна размаўляе з культуролагам А. Сушам.

• А. Пятровіч у эсэ «Шляхціц Іван Тарнава-Барычэўскі» цікава піша пра адну з малавядомых асобаў у нашай культуры.

• Юбілею выдатнай беларускай мастачкі Г. Хінкі-Янушкевіч прысвечана эсэ мастака А. Дубініна «Як птушка ў гібкіх трасніках…».