ВЕРШЫ

МАЛІТВА НА КОЖНЫ ДЗЕНЬ Божа, дай мне спакой прыняць і цярпець, чаго не магу змяніць. Божа, дай мужнасць стаяць там і за тое, у што веру і дзе павінен. Божа, дай розум не праспаць у спакоі мужнасць і мужна перанесці спакой.

 

«НЕ БОЙЦЕСЯ!» Не бойцеся жыць на зямлі і ў часе, якія былі і будуць, не страшцеся канца і бязмежжа на дарогах і ў цемры, сярод людзей і местаў, не гаварыце лішняга, не навучайце вядомаму. Новае і старое адно – не што рабіць, а чаго не рабіць. Не забівай, не крадзі, не кажы на бліжняга, не думай пра тое, што не тваё – простая навука простаму чалавеку, народжаная ў Бэтлееме і Вадавіцах, і ўзнесеная крыжам у Ерузалеме і белым дымам над Рымам. Не страшцеся смерці і не бойцеся жыць і самі зробіце, і дадзена будзе цяпер, заўтра і на векі вякоў. Амэн.