Home Help
Пра нас Аўтары Архіў Пошук Галерэя Рэдакцыя
4(58)/2011
Рэлігія і свет
На кніжнай паліцы

Ad Fontes

СЬЛЕДАМ ЗА ХРЫСТОМ
Пераклады
Вера & Cultura
Постаці

ТАКІ ЁН БЫЎ...
Родны край

УСПАМІНЫ, ЯКІЯ ЦЕШАЦЬ ДУШУ
Галерэя
Інтэрв’ю
Мастацтва

З НАГОДЫ АДНОЙ ВЫСТАВЫ
На кніжнай паліцы

ДРЭВЫ, ПТУШКІ, АБЛОКІ...
Юбілеі

ПАЭЗІЯ ЖЫВАТВОРНАГА СВЯТЛА
Паэзія
Пераклады

МРОЯ ПРА СТРАШНЫ СУД
Асобы

ААЗІСЫ НІЛА ГІЛЕВІЧА
Навука і рэлігія

ПРА СТВАРЭННЕ СУСВЕТУ
Кніжныя скарбы

№4(58) 2011

 
  

Гэты нумар часопіса пачынаецца дакладам кардынала Курта Коха (Ватыкан) «Да пытання аб хрысціянскіх каштоўнасцях у Еўропе», прачытаным на VII Міжнароднай канферэнцыі «Праваслаўна-каталіцкі дыялог: хрысціянскія этычныя каштоўнасці як уклад у сацыяльнае жыццё Еўропы» у Мінску 13 лістапада.

Працягваюцца: публікацыя ўрыўкаў з кнігі «Бэнэдыкт XVI. Святло свету: Папа, Касцёл і знакі часу. Размова з Петэрам Зэевальдам» у перакладзе з нямецкай мовы Ірыны Бурак; пераклад Алеся Жлуткі працы Стэфана Свяжаўскага «Характарыстыка творчасці святога Тамаша», а таксама пераклад працы Тамаша Кэмпійскага «Сьледам за Хрыстом», зроблены Станіславам Грынкевічам. На заканчэнне перакладу «Кветачак святога Францішка» Аксана Данільчык прапануе чытачам верш італьянскага паэта Джанні Д’Элія, прысвечаны гэтаму святому.

Айцец Пётр Рудкоўскі ў артыкуле «Мі-ка-эль?», разважае пра пытанне лідарства ў Беларусі і пераканана бачыць яе адзіным лідарам Пана Бога.

Памяці кардынала Казіміра Свёнтка прысвечаны ўспаміны кс. Станіслава Рыжко «Такі ён быў...», падрыхтаваныя да друку кс. Станіславам Паўлінам.

Парафіянка мінскага архікатэдральнага касцёла Вікторыя Ніціеўская цёпла апавядае пра сваю малую радзіму ў артыкуле «Успаміны, якія цешаць душу».

У публікацыі Валерыя Буйвала «Пітэр Брэйгель Старэйшы. Вавілонская вежа» распавядаецца пра чарговы шэдэўр сусветнага мастацтва.

У інтэрв’ю «Я планую стварыць фільм-трыпціх, прысвечаны Багародзіцы...» галоўны рэдактар часопіса «Наша вера» Крыстына Лялько размаўляе пра дакументальнае кіно з італьянскім рэжысёрам Элізабэтай Кастанья, якая прымала ўдзел у Міжнародным кінафестывалі «Magnificat» у Беларусі. «Залежнасць — гэта заўсёды цярпенне» — так называецца гутарка Крыстыны Лялько з матушкай Сафіяй (прэзідэнтам Міжнароднага Срэценскага праваслаўнага кінафестывалю «Встреча»).

Вядомы беларускі рэстаўратар Аркадзь Шпунт у артыкуле «З нагоды адной выставы» цікава разважае пра асаблівасці сваёй працы.

Артыкул Дануты Бічэль «Дрэвы, птушкі, аблокі...» прысвечаны кнізе Венанцы Бутрыма «Маўклівыя сумныя птушкі».

Да 120-годдзя з дня нараджэння Максіма Багдановіча напісаны артыкул літаратуразнаўцы Ірыны Багдановіч «Паэзія жыватворнага святла».

У рубрыцы «Паэзія» змешчаны вершы Мар’яна Дуксы.

Юлія Шэдзько прапануе чытачам пераклад твора Герберта Уэлса «Мроя пра Страшны суд».

Юбілею народнага паэта Беларусі Ніла Гілевіча прысвечаны артыкулы Міхася Скоблы «Аазісы Ніла Гілевіча» і Алеся Чобата «Жыццё і час Ніла Гілевіча».

Кандыдат філасофскіх навук Ізяслаў Марозаў у артыкуле «Навука і рэлігія пра стварэнне сусвету» прапануе чытачам свае развагі на гэту складаную тэму.

Нумар заканчваецца публікацыяй даследчыка-архівіста Юрыя Лаўрыка «Кніжныя зборы менскага дамініканскага канвенту ў 1709 годзе».


 

 

Design and programming
PRO CHRISTO Studio
Polinevsky V.


Rating All.BY