Home Help
Пра нас Аўтары Архіў Пошук Галерэя Рэдакцыя
4(90)/2019
Юбілеі

«QUIS UT DEUS»

НЯХАЙ АДБУДЗЕЦЦА ВЯРТАННЕ

У ПІНСКУ ЎНЕБАЎЗЯТЫМ
У святле Бібліі
Культура
Прэзентацыя

«АД РЭНЕСАНСУ ДА БАРОКА»
На кніжнай паліцы

ДУХ ХРЫСТА І ДУХ АНТЫХРЫСТА
Падзея

У БОГА НЯМА ВЫПАДКОВАСЦЯЎ

УЗАЕМНАСЦЬ
Культура

КУДЫ ВЯДЗЕ РАДАВОД?
Асобы
Музыказнаўства
Паэзія

ВЕРШЫ

ПАВОДЛЕ...
Пераклады

ДЗЯЎЧЫНА З РОДАСА
Прэзентацыя

«АЛЬБОМ ДЛЯ ЦЁТКІ МАРЫЛІ»
Спадчына

«СА МНОЮ, БОЖА, БУДЗЬ...»

ПАННА Р*
Нашы святыні

Данута БІЧЭЛЬ

У ПІНСКУ ЎНЕБАЎЗЯТЫМ

У Пінску не зруйнавана віленскае барока!

На Пінскім канале і ў Піне,
ва ўсёй занядбанай Краіне…
Самота. Маўчанне Бога.

Мы там вершы свае чыталі
рыбакам і на полі камбайнам.
Людміла Паўлікава і я —
такі літаратурны «дэсант».
На званіцы Анёл з крышталю
францішканскі вартуе сад.

Вершы — не містыфікацыя,
не перашкода ў працы.
Палеская Божая Маці
слухае нас на пляцы.

Ксёндз Казімір Свёнтэк у сваім садочку
падстрыгае ружы для Маці Божай —
у прыпол сутаны з балота
збірае срэбра і пазалоту
зорак, што ў балоце выкошвае.

У самотных гадзінах Духу
прачынаецца ноччу да Сонца.
Цудадзейная слодыч кадзіла
цудадзейных рухаў…

Святое прозвішча Свёнтэк
з генетычна святога роду —
з Духам Святым атрымаў
асалоду
збаўлення Божага люду.

Крылы анёлаў і ружы
святлом запаўняюць душы,
Пінск засланяюць ад бруду!

Пурпуровы нястомны вецер
варушыць плашчык і веер
Маці Божае Унебаўзяцця —
у алтары цудоўны абраз!
Найкаштоўнейшае багацце!

Няволя духу не зруйнавала.
Стаў біскупам і кардыналам…

Сам усё аднавіць паспеў —
людзей, касцёлы, амбоны.
У Будславе, Гудагаі і Гродне
сваімі рукамі ўсклаў кароны
на цудоўныя скроні Мадонны…

Паклікаў хлопцаў спакойных
па навуку ў Еўропу рушыць,
ратаваць занядбаныя душы…
Залатыя вырошчваць ружы…

Эмінэнцыя, Ты вызваляў
і на Дзвіне, як на Піне,
ва ўсёй постсавецкай Краіне
заскарузлыя душы з руінаў…

Як абраны Рымам святы іерарх,
узвышаў іерархіі гмах.
Як Пасланец спрадвечнага Рыму —
Святым Духам свянціў Краіну.

Як Пакутнік, з вялікай любоўю,
з камеры смерці выносіў
Хрыстова цела жывое,
так ад стацыі і да стацыі
па запыленай гэтай Сармацыі
ўзвышаў за Езусам Крыж,
ствараў малітоўную ціш.

Тут, дзе свае між сабой не разбяруцца ніяк,
Яго Эмінэнцыю шчэ папракалі,
што ад племені-роду — паляк…
Тут, дзе ваююць за грошы ўсякі з усякім…

(Чамусьці ў Расіі паэта Твардоўскага
за польскае прозвішча не папракалі палякам.)

…Калі дубы зелянеюць пабожна,
калі, як балотнай кані,
з малітвай захочацца піць,
асцярожна памарыць можна —
узняцца на прыпяцкай хвалі
на вежу Анёла з крышталю,
пурпуровага, на п’едэстале…
Душой даляцець яшчэ раз
да Сцяны, якая ахоўвае Вас…

У пілігрымку ва ўнебаўзяты Пінск!

8 красавіка 2019 г.,
у дзень 80-годдзя святарскага пасвячэння
святой памяці кардынала Казіміра Свёнтка.

Гл. таксама:
АРКАДЗЬ КУЛЯХА OCD :: МАРЫЙНАЯ ДУХОЎНАСЦЬ КАРДЫНАЛА КАЗІМІРА СВЁНТКА ::
ДАНУТА БІЧЭЛЬ :: У ПІНСКУ ЎНЕБАЎЗЯТЫМ ::


 

 

Design and programming
PRO CHRISTO Studio
Polinevsky V.


Rating All.BY